افضل مواقع الصور للمصممين والمصورين
جمعتلكوا النهاردة افضل المواقع اللى ممكن كتير من المصممين ( Designer) والمصورين ( Photographer) لايعرفون عنها اى شئ المواقع دي هايحتاجها كل مصممين المواقع ( Web Designer ) ومصممين الفوتوشوب (photoshop ) والمصورين.
يعني بمعنى اصح انت هتحتاج كمصمم المواقع دى فإنك تضيف لتصميماتك بعد
الجماليات اللى هاتحسن من مستوى ال project اللى بتعمله لأن الصور واضافة بعض التعديلات فيها بتفرق مع اى مصمم وكمان انت ممكن تكون عاوز تصمم حاجة معينة بس مش لاقى الصورة اللى ممكن تفيديك فى حاجة زي كدة بس انت كل الحكاية انك بتخش تتفرج وبتاخد افكار وخبرة وبتبدأ تشتغل على كدة ودى تعتبر افضل وسيلة للتغذية البصرية سواى للمصمم او المصور لأنه بيكون عنده خلفية عن ازاى يصمم او يصور حاجة زي المنظر اللى قدامه اللى عاوز يشتغل عليه
بدون كلام كتير انا بقدملك كنز هتحتاجه اذا كنت مبتدأ فى المجال او حتى متمرس.
مواقع الصور
1. unsplash
موقع لايحتاج الى وصف او شرح لانه يتميز بالصور ذات الجودة العالية والفائقة الروعة والجمال كتير من المصممين بيحتاج حاجة زي كدة عشان يقدر يشتغل عليها بإماكنية وبكل سهولة بتقدر تحمل منه الصور اللى انت عاوزها بشكل مجاني كمان.
2. pexels
موقع غني عن التعريف فى كمية شغل مصورين لا يعد الله على الشغل ياجماعة كمان جودة الصور عالية جدا وكمان فى مقاطع فيديو ممكن تستخدمها فى شغلك حلوة جدا كمان انت ممكن تنضم ليهم وتعرض شغلك انصحك تجربه.
3. pixabay
موقع يعتبر شامل من ناحية الافكار اللى انت محتاج تنفذها بيوفرلك الصور بجمالياتها وفى كمان رسومات vector وفيديو وصور للاليستريتور اللى انت بتاحتاجها فى كل حاجة من تصميماتك .
4. stocksnap.io
كل الصور اللى فيه تحس ان فيها روح البهجة بسبب الوانها الجذابة اللى بتخطف نظرك ليها اول ماتشوفها طبعا المصمم بيحتاج مثل هذه الصور فى اعماله ليلفت انتباه المشاهد.
موقع طبيعي جدا وتحس بسلاسة فى الالوان وطريقة التصوير بيمنحك الصور وكمان مقسم الصور الى تقسيمات عديدة يعني انت مثلا بتصمم حاجة وعاوز منظر طبيعى هتلاقى قسم بكدة عاوز حاجة فى التكنولوجيا حاجة مثلا عن الموضة هتلاقى كل حاجة جوا القسم بتاعها كمان كله مجاني.
6. reshot
الموقع ده انت ممكن تتعلم منه وتاخد منه افكار للتصوير الفوتوجرافى لما به من كمية صور طبيعية تحس انك عاوز بس تقعد كدة وتجيب شوية لب وفشار وتقعد تتفرج عليهم.
7. foodiesfeed
موقع خاص بس بصور المأكولات والمشروبات هتلاقى فيه كمية صور حلوة للاكل والشرب انت ممكن تستخدمهم للاعلانات والدعايا عن منتجات غذائية او اعلانات لمطاعم او كافيهات اى مصمم هيحتاج الموقع ده لانه متخصص.
عارف انت لما تكون مصور مجنون ومطرقع هو الموقع ده عبارة عن كدة كمية صور غبر طبيعة تديك افكار كتير انت ممكن تعملها فى تصميمك كمصمم لاى حاجة.
9. freestocks
شوية صور طبيعية هتلاقيها فى الموقع ده حلوة وبتعتمد على الفوكس والعزل فى الصور وبتتميز بالجودة العالية.
10. lifeofpix
صور احترافية بجودة عالية للتغذية البصرية لأى مصور ومصمم من غير شرح وكلام كتير خش وشوفه هايعجبك جداً.
اه نسيت اقولك كمان فى مقاطع فيديو بجودة تصوير واحترافية عالية.
وكله مجاني.
11. skitterphoto
تحس ان الصور الموجودة مختلفة عن الصور اللى احنا متعودين عليها ليها طابع مختلف طبعا المصورين هايفهموا كلامى والمصممين ايضاً.
12. maxpixel.net
الصور اللى فيه اقرب للواقع لما تكون حابب تحط Background حلوة لتصميمك ده من وجهة نظري المتواضعة.
13. picjumbo
من افضل المواقع اللى هتلاقى فيها صور .
14. littlevisuals.co
صور بسيطة بس حلوة ممكن تستخدمها .
15. nos.twnsnd.co
ده من اعظم المواقع اللى فيها صور قديمة من القرن اللى فات واللى قبله حاجات مابنشوفهاش من زمان ممكن تضيفها لافكار مشاريع كتير وهايخليك متميز عن اللى حواليك بأفكارك المختلفة المجنونة شوية.
احلى حاجة انه جايبلك صور لأحداث مهمة وحقيقية ونادرة كمان.
16. magdeleine.co
هايعجبك الموقع ده لبساطته بس كمية الصور اللى فيه مش كتير بس انت لو مصور فوتوجرافي ممكن تنضم لفريق العمل وكمان تضيف اعمالك على الموقع بتاعهم.
17. freephotos.cc
واخيراً الموقع اللى فيه مجموعة كبيرة من صور الطبيعة الخلابة والمواد الغذائية والمشروبات حلو الموقع هايعجبك.
اتمنى ان يحوز المقال على اعجابكم وان اكون قد وفقت في جمع تلك المواقع وتقديمها لكم
ان اعجبك الموضوع برجاء مشاركته مع الاصدقاء حتى تعم الفائدة ولا تنسوا الاشتراك بالمدونة النور والمنى ليصلك كل جديد
لكم منى التحية والتقدير
والسلام عليكم ورحمة الله وبركاته ,,,,,,
تعليقات
إرسال تعليق