نصائح هامة عند شراءك شقة تمليك
لو فكرت او بتفكر تشتري شقة تمليك او تعرف حد عاوز يشتري شقة وقلقان من النصب اللى بقا منتشر حوالينا فى كل مكان وعاوز تضمن حقك وتعيش متهني ومرتاح البال وتريح بالك وتعيش آمن في بيتك من غير اي مشاكل بعد كدة
لازم تاخد بالك من شوية حاجات قبل ماتشتري الشقة دي او توقع على العقد او تدفع فلوس ممكن تكون الشقة عليها مشاكل وانت ماتعرفش ومش هتبان الحاجات دي الا لما تشتري الشقة وتفتحها وتقعد فيها كمان فانت ماتعرضش نفسك ولا اهل بيتك لخطر تهديد انكوا ماتلاقوش مكان تقعدوا فيه بعد مادفعت كل اللى معاك فى الشقة دي عشان تسكنوا فيها على سبيل المثال
النصايح دي مهمة ليك جدا ولازم تاخد بالك منها كويس جدا وده لا يمنع خالص او يغني عن فكرة انك ماتاخدش محامي معاك يخلص الاجراءات بتاعت البيع.
النصائح واحدة واحدة كالآتي :
1- حاول تروح الشقة مرتين، مرة الصبح ومرة بالليل طول في المعاينة على قد ماتقدر وسيب الباب مفتوح لو الشقة عليها مشاكل هاتعرفها .
2- مافيش بائع هيعرفك بعد ماياخد كل فلوسه لازم تبقى جزء من قيمة الشقة، لو فيه اى حاجه ناقصة.
3- الشقة اللى مافيش فيها عداد كهرباء ماتاخدهاش.
4- التوكيل بالبيع لوحده مش كفاية لازم عقد بيع.
5- مش لازم خالص توقيع شهود على العقد.
6- لازم تستلم الشقة فى نفس يوم دفع الفلوس.
7- لو البائع فوق ٦٠ سنة، ولاده لازم يوقعوا شهود على العقد. عشنا مايعملوش معاك مشاكل بعد كدة.
8 - لو هتشترى من ورثة، لازم كل الورثة يوقعوا على العقد.
9- لازم التوقيع على كل صفحات العقد.
10-لازم التوقيع يكون امامك، مافيش توقيع مسبق , ماحدش يجيبلك العقد جاهز ويقولك اتفضل.
11- اوعي تسيب اي فراغات فى نسختين العقد, ممنوع اي تعديل بخط الأيد فى العقد,الأفضل ان العقد كله يكون مكتوب كمبيوتر.
12- لو هتشترى_بالقسط : اوعي تمضى على إيصالات امانة، أكتب الاقساط فى العقد [ القيمة وميعاد القسط ].
13- لازم تشوف زوجة المالك حقك جداً احسن يكون مطلقها ومعاها قرار تمكين
دور المحامى مهم علشان يتأكد من صحة مستندات الملكية ويتأكد ان الشقة مش عليها اي مشاكل.
اتمنى ان يحوز المقال على اعجابكم وان اكون قد وفقت في شرح الموضوع بالتفصيل لكم
ان اعجبك الموضوع برجاء مشاركته مع الاصدقاء ومع من يحتاج الى تلك النصائح حتى تعم الفائدة
ولا تنسوا الاشتراك بالمدونة النور والمنى لمتابعة كل جديد
لكم منى التحية والتقدير
والسلام عليكم ورحمة الله وبركاته ,,,,,,
أفضل قطعة أرض وأعمل عليهاء البناء الذي يناسبني
ردحذف