محام تحت التمرين فى مكتب المحاماة

 خطوات التقدم للانضمام لنقابة المحامين واستخراج كارنيه المحاماه

خطوات القيد بنقابة المحامين

* نقابة المحامين تعتبر من اهم النقابات في جمهورية مصر العربية والانضمام اليها هو انجاز في حد ذاته , الامر ليس بما انت عليه الان وانما من ذي قبل من الوقت الذي استبشرت به بنتيجة تنسيق الجامعات وعلمك بترشيحك لدخول كلية الحقوق مرورا بأوقات الدراسة والامتحانات وتطلعك الى مستقبل افضل من خلال وجودك داخل دائرة القانون والقانونيين والتعامل معهم وفي بعض الاحيان من تسنح له الظروف ان يتدرب عند محام ويتمتع بما لم يستطيعه زملاؤه فيجد نفسه فى عالم اخر مختلف عن ما يتلقاه فى المحاضرات النظرية بالكلية

ولذلك عليك ان تنضم لنقابة المحامين ويتم قيدك بها حتى يتسنى لك العمل بالمحاماه 

اما لكيفية القيد بنقابة المحامين والخطوات الواجب اتباعها ستكون كالآتي:-

اولا : حضرتك بتسحب استمارة الكشف الطبي ودي ممكن تسحبها من النادي النهري في المعادي في نفس اليوم او ممكن حضرتك لو من محافظة بعيدة بتروح النقابة الفرعية التابع ليها وهما بيبعتوا مندوب والموضوع بياخد من ٤ ايام لأسبوع مع العلم انك بتسحب الاستماره دي ببطاقة الرقم القومي وشهادة التخرج وسعر الاستماره ١٠٠ جنيه وبتاخد كمان طلب التحاق بتملي فيه بياناتك حسب ما بيكون موضح فيه 
ثانيا : بعد ما بتسحب الاستثمارة بتلاقي مكتوب فيها مواعيد الكشف الطبي لكل محافظة بتروح حضرتك المكان المحدد ليك ومعاك صورة شخصية واستمارة الكشف الطبي اللي انت سحبتها من النقابة ومعاك بطاقة الرقم القومي مع العلم ان رسوم الكشف الطبي ٥٠٠ جنيه بتدفع بفيزا مش نقدي
ثالثا : بعد ما حضرتك بتعمل الكشف الطبي بتنظر ٣ اسابيع بالنسبة للي كشف في مصلحة الطب الشرعي في القاهره وبالنسبه لباقي الأقاليم فالموضوع بياخد وقت شوية
المهم ان حضرتك خلال الفترة دي تكون جهزت الأوراق المطلوبة للقيد وهي :
1 - طلب التحاق من النقابة العامة أو الفرعية.
2 ـ شهادة ميلاد كمبيوتر.
3 ـ أصل شهادة الثانوية العامة.
4 ـ صحيفة الحالة الجنائية موجهة لنقابة المحامين.
5 ـ شهادة حسن سير وسلوك.
6 ـ شهادة التخرج.
7 ـ شهادة المعاملة العسكرية.
8 ـ شهادة تدريب من مكتب محام استئناف أو نقض.
9 ـ عدد 6 صورة شخصية 
10 - صورة بطاقة الرقم القومي.
11 ـ نموذج الكشف الطبي من النقابة العامة.
12 ـ شهادة تحركات.
13 ـ دفع الرسوم المحددة بالنقابة.
14 ـ برنت تأمين “عام، وخاص”، وبرنت قطاع حكومي.
رابعا : بعد ما الكشف الطبي اللي حضرتك عملته يخلص بيتبعت للنقابة العامة بتروح تدفع الرسوم المقرر وبتاخد بيها إيصال ترفقه مع الأوراق السابق ذكرها وبتقدم الورق للجنة القيد بالنادي النهري في المعادي او النقابة الفرعية اللي تابع ليها وهي بتبعته مع مندوب وبيتحددلك جلسة حلف اليمين وبتستلم الكارنيه في اليوم المحدد وكده حضرتك بقيت محام بصفة رسمية.

اتمنى ان يحوز المقال على اعجابكم وان اكون قد وفقت في شرح الموضوع بالتفصيل لكم 

ان اعجبك الموضوع برجاء مشاركته مع الاصدقاء ومع من يحتاج الى تلك النصائح  حتى تعم الفائدة 

ولا تنسوا الاشتراك بالمدونة النور والمنى لمتابعة كل جديد

لكم منى التحية والتقدير

والسلام عليكم ورحمة الله وبركاته ,,,,,,