محام تحت التمرين فى مكتب المحاماة

قانــــــون التصـــــــــالح

كل التفاصيل اللي المفروض تعرفها كمالك للعقار

قبل فوات الوقت اخر موعد لتقديم طلبات التصالح هو 30/9/2020

دا لحد دلوقتي اللي قدم طلبات التصالح 217 الف

من 3.5 مليون مخالف

طبعا مش كل المباني حينفع تتصالح

اولاً:- الحالات القابلة للتصالح:-

ودي الحالات اللي بينص قانون التصالح عليها.
🔹 لو معاك ترخيص وفيه مخالفات معمارية.
🔹لو معاك ترخيص وفيه مخالفات إنشائية.
🔹 لو معاك ترخيص وفيه مخالفات إستخدام.
🔹 لو معاك ترخيص وفيه أدوار مخالفة.
🔹 لو تم البناء داخل الحيز بدون ترخيص.
🔹 لو تم البناء خارج الحيز بدون ترخيص.

ثانياً:- الحالات الغير صالحة للتصالح:-

▪️البناء علي املاك الدولة
▪️التعدي علي خطوط التنظيم
▪️اعمال تخل بالسلامة الانشائية
▪️البناء علي اراضي خاصة بهيئة الاثار والري

🔸مش لازم يكون عندك محضر عشان تقدم علي تصالح

🔸طيب انا معنديش محضر هستفاد ايه من التصالح ؟!

اولاً :- هتقنن وضعك
مش معني ان انت معندكش محضر يبقي مش مخالف لا مخالف ومش هتقدر بعد كده تعلي طوبة واحدة في البيت عشان انت ما عندكش رخصة وما قدمتش علي تصالح

ثانيآ :- لوعندك محضر
والحمد لله اخدت براءة فيه وضعك ايه دلوقتى

محضر البناء بدون ترخيص له شقين:-
🔺شق جنائي
🔺شق اداري

البراءة بخصوص الشق الجنائي

اما الشق الاداري
فانت ما زلت مخالف ومش هتعرف تبني ادوار تاني هتقف علي كده او تعمل اي حاجة تعدل بيها المبنى

‼️لو حبيت ترفع دور بعد كده:- هيتعملك
١) محضر مباني بدون ترخيص
٢) محضر استئناف اعمال
٣) محضر عدم تنفيذ قرار ازالة

ثالثاً:- التصالح يعتبر انك بتشتري رخصة للبيت حتي لو البيت خارج الكردون المباني يعني اصبحت داخل الكردون وليك حق في جميع المرافق

رابعاً :- في حصر دلوقتي بيتعمل للقضايا الي من عام 2009 حتي 2020
عشان الغرامات التي لم تحصل حتي الان وهتلاقي جيلك محضر تبديد الغرامه بمبلغ وقدره

طيب التصالح بيكون ازاي وايه المطلوب علشان تتصالح ؟؟
1-صورة بطاقة المالك
2-صورة عقد ملكية (خاص بالمحامي)
3-صور رسومات معمارية وانشائية فعلية(مهندس)
4-تقرير سلامة انشائية (مكتب استشاري)
5-ايصال دفع رسوم ملبغ خاص بفحص الاوراق واثبات جدية التصالح
6- ايصال كهربا او مياه قديم

طيب القضايا اللي شغالة اعمل فيها ايه؟؟
لما بتروح تقدم علي تصالح وتقدم كل الاوراق المطلوبة منك بتاخد ورقة اسمها نموذج 3
اللي بيقدمها المحامي للمحكمة علشان توقف القضية وتوقف قرار الازالة لحين الفصل في التصالح

اخر ميعاد تقديم علي التصالحات؟؟
هو يوم 2020/9/30
يعني مش هتعرف تقدم علي تصالح بعد الميعاد ده

طيب انا خايف الموضوع يكلفني كتير ‼️
مهما كانت التكاليف هيكون :-
اقل من غرامة المحكمة
واقل من الازالة للبيت
واقل من كفالة النيابة العسكرية التي تصل الى مليون وما بتقلش عن 15 الف
وكمان قيمة المصالحة بتتقسط
بتدفع 25٪ والباقي علي ثلاث سنوات

ارجو ان يكون الشرح مبسط  اذا اعجبكم ارجو منكم نشره للأساتذة المحامين حتى تعم الفائدة وسأتابع جميع التعليقات لمناقشة اى بند معكم 

اقرأ ايضا  التظلم من قرار النيابة العامة بحفظ المحضر اعرف مفهوم حفظ الشكوى وطريقة ومواعيد الاعتراض

وايضاً خطوات صدور قرار التمكين من منزل الزوجية 

لكم  منى ارق التحية ,,,,

والسلام عليكم ورحمة الله وبركاته ,,,