محام تحت التمرين فى مكتب المحاماة

مواقع ال ICONS & PNG للمصممين

جبتلكوا شوية مواقع لوز اللوز ياجدعان مافيش غنا عنهم خالص فأى تصميم احنا بنعمله وهى دي الخلاصة وبيسهلوا علينا مجهود ووقت كبير ده غير انهم بيوفرولنا جودة وتقنيات عالية جداً في شغلنا المواقع دي هى مواقع الصور بدون خلفية ومواقع الايقونات بدون رغي كتير برضو انتوا عارفين ان ماليش ف الرغي خشوا عالموضوع على طول.

أولاً:-مواقع الصور بدون خلفية ( PNG )

1.pngtree

انا حطيت الموقع ده فأول القايمة عشان ده افضل موقع بالنسبالى كل ملفات png , psd هتلاقيها فيه لانه بيتيح لك انك تحملها بالصيغة اللى انت محتاجها بس مشكلته انك مابتحملش اكتر من 3 ملفات بس فى اليوم مجاناً اكتر من كدة باشتراك بس يستاهل والله ياشباب

2. pngimg

الموقع ده فى كل حاجة بمعنى الكلمة بس كل ماعليك انك بتحدد الحاجة اللى انت محتاجها وتكتبها فى البحث وهو بيجيبهالك يعنى لازم تكون عارف انت عاوز ايه بالظبط.

3. footyrenders

الموقع ده لو انت بتصمم حاجة لكرة القدم ومحتاج صور لاعيبة الفريق او اعضاء الجهاز الفني المهم انك هتلاقى كل حاجة عن الفرقة دى وكمان الموقع مقسم بطريقة احترافية جدا بكل سهولة هتلاقى اللى انت عاوزه.

4. kisspng

من المواقع المحترمة اللى بحب اتعامل معاها برضو لان فى حاجت كدة مختلفة وتصميماتها كلها تجذبك ليها مافيش حاجة وحشة فيه.

5. freepngimg

برضو من المواقع الجميلة بس محتاج منك بحث شوية لحد ماتتلاقى الحااجة اللى على هواك عشان هو فى شوية تصميمات كدة مش هاتحبها بس ده مايمنعش انه فى حاجات مش هتلاقيها في مواقع تانية.

6. subpng

الموقع ده مهتم بتفاصيل التصميمات اوى يعني هتلاقى فيه رموز وفريمات واشكال وايموشنات ده الموقع الممتاز لمصممي المواقع هايحتاجه منه حاجات كتير.

7. pngplay

موقع بسيط جدا فى شوية حاجات حلوة برضو هاتبحث عنها لو مالقتهاش فى اي موقع تاني.

8. stickpng

نيجي للتقيل اوى فى تصميمات السوشيال ميديا شخصيات التريندات والكوميكس لوجهات برامج ايموشنات شخصيات كتير هتلاقوها فيه بس هو محتاج تطوير شوية.

9. pngall

احلى حاجة عجبتنى فى الموقع ده شخصيات افلام الانيميشن هتلاقوا فيه كل شخصيان الانمى المعروفة اذا كانت قديمة او جديدة روعة فعلا هايعجبكوا كتييير.

10. freepngs

من المواقع المهمة اوى فى اى تصميمات وخصوصا التصميمات الاجنبية هتلاقى فيه صور بجودتها العالية جدا وده بيميز الموقع ده.

11. pngmart

واخيراً فى مواقع ال transparent وال PNG الموقع اللى كله بيدور علىه هو ده خشوا وهاتعرفوا ليه بنفسكوا

ثانياً:-مواقع الأيقونات ( ICON )

من غير شرح وكلام كتير انت كل اللى عليك هاتخش فى المواقع دى وهتلاقى اللى انت محتاجه سواء مصمم مواقع او فوتوشوب او بريمير او حتى منشئ محتوى اذا كان يوتيوب اوبلوجر او اياً كان انت بتشتغل على تصميمات فأكيد هتحتاج حاجة زي كدة ف شغلك ده غير كمان ان من ضمن المواقع دى فى مواقع خاصة بمصممين المواقع لأن هو بيعرضلك الشعار اللى انت عاوزه وكمان بيديك الكود بتاعه وكمان بيتيح ليك ان تغير فى شكله ولونه وابعاده وتاخد الكود جاهز ده كمان غير ان كل موقع من دول مقسم الايقونات حسب المجالات بتاعتها اذا كان طب او هندسة او منشآت اوملابس او ... إلخ ده غير التصميمات العبقرية لبعض المواقع وكل موقع بيتميز بحاجة عن المواقع التانية فأنت كل اللى عليك ان انت هاتفتحهم كلهم وتدور على الحاجة اللى انت محتاجها لو لاقيتها تسيب الموقع مفتوح مالاقيتش اقفله وتبدأ تعمل فلتر للمواقع اللى فيها الحاجة اللى انت محتاجها وبعد كدة هتلاقى عدد مواقع اقل تبدأ تعمل مقارنة وتختار الافضل والانسب لمشروعك او تصميمك  والمواقع دى كلها جمعتهالكوا بالشكل ده:-

1. flaticon

2. freeicons

3. iconstore

4. iconfinder

5. digitalnomadicons

6. simpleicons

7. icon-icons

8. iconsvg

9. polaris-icons.shopify

10. xicons

11. ionicons

12. toicon

13. icons8

14. icomoon

15. iconscout

16. animaticons

اتمنى ياجماعة لو عجبكم الموضوع ده وشوية المواقع الحلوين دول اللى مافيش غنى عنهم انكوا تشيروه لاصحابكم اللى فى المجال او ممكن يحتاجوه وكمان ممكن تشترك فى المدونة - النور والمنى - معايا عشان يوصلك كل مواضيعي الجديدة

لكم مني التحية والتقدير

والسلام عليكم ورحمة الله وبركاته,,, 

خدلك لفة :- 👇👇👇

شوف افضل مواقع الالوان للمصممين

شوف افضل مواقع الصور للمصممين والمصورين

كمان لو حابب تشوفنا على يوتيوب دى قناتي ibrahim noor

ودي صفحتي على الفيس بوك النور والمنى- AlNoor W AlMona